Monday, September 29, 2008

lima ka mga lalaki nangaligo sa pintura ni paul cezanne


lima sila ka mga lalaki nangaligo sa sapa.

ang sapa sama kanila walay lihok lihok.

frozen. nakita nako ang meaning sa truth.

sa panahon ni cezanne patago ang tanan.

ang usa ka lalaki, nagtalikod. dili mo makita

ang iyang tinaguan.wala siya'y kinatawo.

ang usa misalom. wala kay makita sa iyang nawong.

patago lang gihapon. dili klaro ang ilang mga mata.

dili mo madungog ang ilang tingog.

ang usa nag-side view. padaplis-daplis lang.

ingon ana ang panahon ni paul cezanne.

ingon ana ang ilang tubag kon unsa ang

kamatooran. Patago sige. Mas nindot kon

ang tanan taguan. Dakop dakop lang sa suba

nga frozen ang tanan. Lima ka mga lalaki

nga walay pulos. Mora bag pati ang tubig

dili gani kabalong mobasa sa lawas.

No comments: