Ang kinabuhi kuno sama sa usa ka suba
Diin nato gihinay hinay ug hulog ang atong mga talulot
SA atong mga bulak
Hinay hinay ang mga talulot ug kuyog sa
Dagan sa tubig hangtod nga layo na kini sa atong mga panglantaw
Ug isunod nato paghatag ang atong mga dahon
Hinay hinay lang gihapon atong ipaanod
Ug ang atong mga sanga ato usab nga ipiyal sa suba
SA atong kinabuhi hangtod nga mahurot na ang tanang
Natong mahatag. Molantaw kita sa atong bulsa kon duna
Pa ba kitay mahatag kay ug kon wala na moabot na ang
Dili kapugngan. Ihatag na nato ang atong lawas ug dayon
Ang atong kalag. Kasagaran gusto sa uban nga magpabilin
Apan dili kini mahimo. Anaa ang balaod sa suba ug sa mga
Talulot sa mga bulak. Ipaanod gayod ang tanan. Kay ug
Bout kwentahon, sa tinood lang, walay magpabilin,
Moanod gayod kita, kay wala kitay matawag nga ato.
Pangotan-a ang mga gamhanan ug mga daghag nahibaw-an,
Mao kini ang ilang tubag: hinulaman lang nato ang tanan.
Ang tanan.Ang tanan gayod. Atong iuli pinaagi sa pagpaanod.
No comments:
Post a Comment