Advertisement para sa usa ka social climber

kon mangatol ang akong panit

Ikaw dapat ang akong

Johnson’s baby powder

Kon mauga ang akong buhok

Ikaw dapat ang akong

Brilliantine

Kon manimaho ang akong ilok

Ikaw dapat ang akong

Axe

Kon ako maligo kay init na kaayo

Ikaw dapat ang akong

Dove ug ang akong

Palmolive shampoo

Kon ako gutmon ug uhawon

Ikaw dapat ang akong

Jolibee Mcdo

Pizza hut goldilocks

Majestic

Ug café laguna

Kon ako mastranded sa usa ka kalye

Padulong sa among bukid

Ikaw dapat ang akong habalhabal

Pakapyota ko bi.