Naospital ako ug upat ka adlaw
Suka kalibang
Panognawon sa alas kwatro sa hapon
Nawala na ang suka kalibang
Apan panognawon lang gihapon
Matag alas-kwatro sa hapon
Ang mananambal sa binisaya
Nga mianha
Nag-ingon nga ako kuno
Gihangop sa kalag ni tatay
Maghalad kuno ako ug
Ka baso nga tuba sa menteryo
Sa udtong tutuk
Mangadye ug tulo ka maghimaya
Ka maria tulo ka Gloria patri
Ug tulo ka amahan namo
Magpamesa ug
Adlaw ug magpanovena sa
Among balay
Kay kuno ako wala na
Kahinumdum sa mga kalag
Labi na kang tatay
Nga kuno sambat sa akong
Magulang sige kuno nakong
Gidaot si tatay
Bisag kini dugay na nga patay
Gibuhat ko ang tanan
Nga tambag sa mananambal
Nawala ang panognaw sa
Matag alas kwatro sa hapon
Ug sa gabii nahikatulog na
Ako sa kahinanop
Kaganiha nagsulat na usab
Ako ug mga balak
Mga libak ni tatay
Ugma magsugod na usab seguro
Ang panognaw sa alas kwatro
Sa hapon
Mobalik na usab ang akong
Pagkabilar
Ang pagbalhin balhin
Sa katre kay dili na
Usab ako makatulog
Apan andam na ako niini
Nagsulti lang ako
Una pa tay kon anaa ka man
Diha sa akong kilid
Nagsulti lang ako sa tinood
Nganong masuko ka man?
1 comment:
very sensitive to such human experience, get's into the heart & seems like it still lingers on ... one who reads gets and feels the whole picture ...
Sometimes we see how cruel life treats us, but maybe it'd be good to just remember & realize that in the end we just have to be forgiving human beings ...
Post a Comment