bisan pa sa imong paghagit kanako
ug sumbagay sa tugkaran sa akong balay
sa tungod gayod sa akong tugkaran
bisan pa sa imong pagpakaulaw sa
akong pag-amping sa akong pagkatawo
bisan pa sa imong pagkawalay puangod
sa imong pagkatampalasan
sa imong pag-among among sa akong
limpyo nga ngalan
bisan pa sa imong pagkahangal
sa imong pagshagitshagit sa imong kahubog
bisan pa sa tanan
karon sa imong kalisud ug kapakyas
sa imong pagduol kanako
bisan ug dili ka mangayo ug pasaylo kanako
sa pagtagbo sa atong tinan-awan
sa imong pagkadagma sa dalan
agakon ko ikaw
tabangan ko ikaw sa pagbalik ug tindog
igsoon ko ikaw dili ko gayod kana makalimtan.
No comments:
Post a Comment