tan-awa kining kamalig nga gibiyaan
guba na
nangalangkat na ang bungbong nga nipa
nangapalid na ang atop
sa kilid sa bag-o pang giani nga basakan
kon imong tan-awon
morag wala lang
kamalig lang kanang guba
wala gayod kini laing kahulugan kanimo
apan alang kanako
diha ko nakita ang daghang mga bulak
mga nanglupad nga mga alindanaw ug alibangbang
diha ko nakita ang mga nagpitok-pitok
nga bitoon sa akong ulohan
diha ko nadungog ang awit sa mga suba
ug mga himaya sa langit
diha ako kagahapon
nagabhian kami in inday agripina
ug kami wala na kaagwanta
sa tawag sa among mga unod
sa ilang pagwarawara
diha kami kagabii
diha kami nakasyagit sa tumang kahilom
nagpabuto sa among mga pangagho
naghan-ay sa mga balod sa among pagbati
sa among mga dughan
No comments:
Post a Comment