Sunday, September 21, 2008

Ang botboton bisag asa ibutang botboton lang gihapon



Sama kanimo

Botboton ka gayod

Daan kanang botboton sa Ateneo

Napadpad ka sa Australia

Gilupad ka sa imong botbot

Diin nailad nimo ang mga kangaroo didto

Gipatiran ka

(sakit ba?) napadpad ka sa Africa

Ug gidawat ka sa mga itom sa tumang kalooy

Kay dako kaayog lagom ang bun-og sa imong sampot

Apan migawas lang gihapon ang imong pagkabotboton

Gibaligya nimo ang ilang diamond

Ug gitaban nimo ang ilang leon

Nakalayas ka

Miabot sa Las Vegas human nimo giontoy ang

Leon nga napriso sa Washington D.C.

Kay imong gireport nga illegal alien

Sa imong paglaag-laag

Bar hopping

Nailaila mo ang igsoon ni Kenny Rogers

Nagkape mo sa McDo

Nangaon mo sa Pinoy resto

kay miss na nimo kuno ang dinuguan ug puto

Pila ray sugilon

Laktoron ta ang estorya de un amor

nakailad ka na usab ug tiguwang

(amaw imong term of endearment)

Nga karon patay na

Sa “sakit sa pulso”

Giunsa mo kaha pagsupsup sa iyang

Bank accounts ug real estate

Siempre nadato ka na sa imong pagkabotboton

Nag-email ka sa Yahoo Group sa atong mga batch sa Ateneo

“Hi, this is Celestina, do you remember me?

Dia na ko sa Las Vegas “

(gi-send file ang imong posing sa winding stairs

Blonde na imong buhok, pula ang karsones, pink ang blouse

Ug ang bag branded gitakin sa imong kilid

Taas kaayo ang imong “high heel” shoes

Ug ang imong smile

Morag iring (pussycat!)

Botboton lang gihapon)

Ug nag-valediction ka sa internet

“Kamo ba, strive gyud mo sa inyong life

Look at me

Tan-awa ko ninyo

gasugod sa zero karon one hundred na!”

Medyo mali mali ang imong mga spelling

Sa ubang mga lines sa imong taas-taas nga monologue

ug dayog,

“sorry ha, wa na nako abrihi ang akong laptop

kay gikapoy nako after a hard day’s work

berry ra ning akong gigamit

anybody who knows where Flor is?

(mas gwapa man gud si flor)

I like to buy an hectare of lot in samal island

Kanang dunay beach front

One of these days I like to retire there

With my (third husband) Johnny (come lately)

Smith, he’s a real estate broker

Sus daghan na siyag napadato nga mga

Clients, noh?”

nangimbitar pa ka kon kinsay moanha sa Las Vegas

tanan nimong mga classmates, friends and friends of your friends

to see your mansion and have a tour around the city lights

magblack jack sa casino

motan-aw sa concert ni Imelda papin ug ni celine dion

(dili warwick, buhi pa ba?)

gamay ra ang mi-respond

ang tanan no comment hadlok sa nahitabo sa kangaroo, sa snow bear

ug sa tiguwang nga kalit lang namatay sa

sakit sa pus-on

nangyam-id silang tanan sa likod sa imong mga emails

feeling sab nako

basin mapikatan ko sa adlaw puhon nga init kaayo didto

sa Las Vegas

nag-email kanako ang mangkay sa Dapitan

diin ang tingog ra sa mga kampana ni Santiago

ang madungog sayo sa buntag

“sus do, ayaw ug too, botboton kana siya gikan pa kaniadto

hangtod na seguro sa kahangturan

kay dodo, ang botboton bisag asa pa nimo ibutang botboton

lang gyud gihapon

bisan pag imong ihawon”

dayog conclude ni mangkay nga wa jud maukay

“diri ra ko sa ato magpungkopungko

kontento na ko diri, peaceful ug ang mga tawo, truthful pa gihapon”

pikat!

No comments: