kitang mga kiko

kitang mga kiko
kiko gayod
kon pasayawon
sayaw lang pud
kon padaganon
dagan lang pud
kon pakantahon
kanta lang pud
kon pahuboon
hubo lang pud
kon pahilomon
kon paiyakon
kon pahilomon
kon paiyakon
na pud
ok lang gihapon

bisan ug supak
sa atong mga
kabubut-on

buhaton ang tanan
aron lang makakaon
bisag kaduha lang
sa usa ka adlaw

kitang mga kiko
sa atong kalisod
magpakakiko
hangtod kita
mabaliko
matikuko

hinipos ang mga kumo.