gipakaslan siya ni julio
kay siya inosente kuno
dili gani kahibalong mohalok
magpatudlo pa kon piyongon ba ang iyang mga mata
dili gani kabalo mohawid sa sampot ni julio
sa dihang gigakos kini niya dapit sa kawayanan
dili gani kabalong mobalos sa dihang gikiyodkiyoran ni julio
ang iyang paa dapit sa balkon sa ilang balay sa iyang pagpunay ug pamisita labi na kon wala ang iyang mama ug papa
sa laktod nga pagkaestorya, gipakaslan dayon niya siya
sa human na ang kasal sa daghang nakalas nga inasal
nagkabuang si julio sa kahinam sa ilang unang gabii
(pagka-ugma si julio wa ka too nga ang iyang gipakaslan nga si Dulce wala maonse kay kini diay sige nang nakatorse)
No comments:
Post a Comment