sa imong pagpanamin
handumon mo
ikaw.sulayan mo ug hikap
sa imong kamot ang imong pagka
ikaw.tutukan mo ang imong
mga mata.
hikapon mo ang imong kamot
ug sa imong katingala
gikan sa samin migawas usab ang
usa ka kamot
karon ikaw na ang gihikap
niya.
ikaw gihapon kana
basin ug nakalimot ka sa tumang katingala ug kahingawa.
sud sa samin
kon imong tutukan
molugwa ang kamatooran
ug hikapon ka sa imong mga kamot
ang imong dughan
lantawon mo ang mga gamot
sa imong
kasingkasing
lantawon mo kon duna
ba kini igong gahom sa paghandum
aron sa paghatag ug mga humot nga bulak
sa kabuntagon
bisan pa ug unsa ang kangitngit
ug kauga sa hangin nga molamparos sa atong
kagabhion
No comments:
Post a Comment