ang dili ko gayod makalimtan
sa akong tibook nga kinabuhi
mao ang puting kabayo ni tatay
nga milayas sa among balay
walay nakakita kaniya ug kon
aduna man dili gayod kadool kaniya
kay iya mang paakon ug sipasipaon
apan sa dihang ako mipauli na
nakita ko ang puting kabayo ni tatay
sa daplin sa sapa sa gamay nga kasagbotan
kilid sa kanipaan
nagtagbo ang among mga panglantaw
midoul ako ug miduol usab siya
gidapion niya ang lawas sa akong mga kamot
gihapuhap ko siya gikan sa iyang ulo hantod sa iyang ikog
gisakyan ko siya pauli sa among balay
gipasaligan ko siya nga hapit na mahuman ang tanan
No comments:
Post a Comment