kaganihang buntag

kaganihang buntag
sa akong pag-inosara
aduna ako'y
nakaplagan
og akong gitipigan

og sa akong kadangag
o sa wala pag-amping
sa tumang kalami
akong nabuhian
og kini wala mabuak
apan kalit kaayong
nawagtang

hangtod karon
nagsakit ang akong dughan
og dili ako makatoo
kon unsa ba gayod kadto

pagkabuang ko gayod
nga wala mag-amping
anang usa ka
bililhon nga pagbati

pagkabogo ko gayod
nga hangtod karon
dili ko na gayod
mahinumduman
kon unsa ba gayod kaha kadto