wala na ako maghandom og mga sapatos
sa dihang nakita ko ikaw sa imong
wheechair
itom og puti nga bulok sa kalibotan
ang akong nakita diha sa imong
masulub-on nga dagway
gisukna mo ang mga panganod kon
ngano ba nga anaa ang kamingaw
og ang paglutawlutaw?
gusto nimong bun-on ang dagat
apan ang mga balas naghupay kanimo
pinaagi sa pagdakin-as nila
diha sa imong palad
lusot sa imong mga tudlo nga nagtoon
unsaon pagsulat
ang mga balak sa kilomkilom
No comments:
Post a Comment