ang nahikatulog nga kamatooran

gusto nimo ang matood
akong ihatag nimo kini sa
walay pagdikidiki

walay kamatooran nga
magsuot og baga kaayo
nga sapot nga ang tawo
morag mamatay sa kaigang
og kabug-at sa mga sapaw
sapaw nga dayandayan
o g tabon sa iyang lawas

hay-ad ang kamatooran
og dili ko kini ikaulaw

dili ba mao man kini
ang imong gipangita?

dili ba mao man kini
ang imong gidamgo
matag gabii sa imong
kamingaw sa imong
pag-inusara og punay
og panambo sa imong
bintana og pangutana
sa hangin nga molabay
kon kanus-a ako moabot
doul sa imong dughan?

ania ako. tan-awa
dili ko kini ikaulaw kanimo
og dili ako mahadlok sa
ilang mga pagsilot unya
puhon kanako.

tagbawa ang imong
kaugalingon sa akong
hubo nga kamatooran

wala ka bay gibati
nga kalooy alang kanako?