wala nako ka makalimti

Wala ka nako makalimti
Sa bag-ong kaadlawon ikaw
Akong nakita sa tumang
Kahilom diha sa mga bongbong
Ikaw akong Nadungog
Sa hinay nga huyohoy sa hangin
Gikan sa kadagatan
Gikan sa kabukiran

Wala nagpsabot nga sa akong
Pagpunay og sulat sa mga
Balak nga ikaw akong nahikalimtan

ikaw ang akong Diyos og ang
Imong mga Kamot ang
Nagmugna niining tanan

Gidayeg ko Ikaw sa kanunay
Apan wala na nako kini gipanulti pa kanila
Niining akong gamay nga kalibotan
Ikaw gayod ang Hari
Ikaw ang Labing Gamhanan

Gidayeg ko Ikaw
Ako Ikaw nga Gipasalamatan sa Tanan

Wala akoy Pagmahay Kanimo
Kay sayod ako sa Imong dako kaayong Gugma Kanako.
Pagkabulahan ko nga Imong Gimahal O Ginoo
Dili og dili ko gayod kana matugbangan sa sakto
Apan paningkamotan ko ang kanunay nga pagsunod kanimo.

Gitunol ko Ginoo ang tanan kong kahayag
Sulod niining akong baso
Ihatag ko kinig balik diha kanimo
Kay ikaw ang niini gahimo og gahatag kanako.