vincent van gogh

sa praktikal nga pangwenta
atong dawaton nga si
vincent van gogh
napraning,

apan wala siya
mapraning tungod kay
galisod siyag
pinta anang mga buhi
kaayo nga sunflowers
nga kon og imong
hikapon makahinumdon
ka og mga tinood
nga gihay og
mga dahon
nga morag dunay
mga kasingkasing
nga nagsigig
pitik diha sa imong
dughan

wala mapraning si vincent van gogh
sa iyang mga damgo
kay natuman kining tanan

napraning siya tungod kay
wala siyay kaonkaon sulod
sa pulo ka adlaw kay
wala mahalin ang iyang
sunflower painting

wala siyay kwarta nga ikapalit
bisan na lang og usa ka sopas
o pan nga burikat
didto sa tindahan ni
Inday Imyat

dili ba tinood?
wa sab ko magpabaylo
kay naatol nga wala ako didto.

ingna ko nga bakakon ko
kay ingnon sab taka na nagpataka ka lang.