gipahay-ad na nimo ang kagabhion
gihapohap sa hangin ang iyang mga aping
gidan-agan mo sa mga bitoon ang iyang dagway
og imo pa gani siyang gipuyok nianang lingin kaayo nga bulan
gipahilom nimo ang tanan aron imong mapensar ang imong binuhatan
ang kagabhion nga imong gimahal imong punay nga gihagkan
giangkon mo siya, gigakos nga ikaw lang ang tag-iya
apan naunsa ba nga sa pag-abot sa mga giway sa kaadlawon
wala ka man manalipod kaniya?
gitugyan mo siya sa mga kamot sa kahayag sa kabuntagon
og siya namatay
milakaw ka sa walay panamilit.
pagkawalay puangod
bisan na lang unta og mikuyog ka sa iyang
lubong, apan wala kini nimo mahimo.
No comments:
Post a Comment