nasayod ako nga anaa ka lang dinha
namati kanako
nasayod ako nga imong gikamingawan
ang akong tingog
nasayod ako nga ikaw anaa kanunay
nag-atong sa akong anino
nasayod ako nga ang akong mga panghupaw
gitaparan sa imong pagginhawa
nasayod ako nga ikaw anaa ra dinha
naghandom sa akong mga
paghikap sa mga gamot sa imong
kasingkasing
ako ang imong kamingaw
ako ang imong gipangita
ako ang imong gustong higugmaon
ako ang imong damgo
nasayod ka nga ako ania usab diri
kay ikaw usab ang akong kamingaw
ikaw usab ang akong kahinam
ikaw usab ang akong gipangita
ikaw usab ang akong gustong higugmaon
ikaw usab ang akong damgo
kitang duha ang magparis
sa atong pagkamabudhion.
No comments:
Post a Comment