pagkadaghan sa mga bulak

pagkadaghan sa mga bulak
og pagkadaghan usab sa mga alibangbang
pagkamabulukon sa mga kabulakan
og labaw usab nga mabulukon ang
daghan kaayong mga alibangbang
pagkatahom og pagkamabulukon
sa kalibotan sa atong kinabuhi
ngano bang ikaw nagpakita sa
imong kadalo og kasuko?
ngano bang ikaw anaa sa
kangitngit nagpunay lang
og tago?

higala gawas diha og pakigsalo
kanako niining talad sa dakong kasadya
kadaghang nektar sa mga bulak
kadaghang mga pako sa mga alibangbang
magtagay kita sa kalipay
manglupad kita palayo sa kalaay!