nabuhat ko na ang pagpangisog

nabuhat ko na kaniadto sa akong pagkabatan-on ang pagpangisog nga sayod ako nga walay kapuslanan batok kanila nga mga gamhanan kay sila kumpleto sa tawo, og mga armas, og aron gayod ako matagbaw sa akong kasuko, sa akong kalagot sa ilang binuhatan misaka ako sa ilang balay, mibatbat sa akong mga kasakit og kasilag, og nanghagit kon kinsay isog, og nga ako andam na sa pagpatay og pagpakamatay og samtang wala pa sila kahunahuna kon unsay buhaton anang orasaha, samtang nagkuha pa og pusil ang ilang papa, midalidali ako og naog, sutoy og dagan, og mitago sa bukid, og didto nanugilon ako sa akong pagkaisog.

og sayod ako nga sa mga namati nga nagnganga ang ilang mga ilong og baba, sayod ako, nga sila wala motoo nga kadto nabuhat ko, nga ako dunay kaisog kaniadto.