nauna ako pag-abot sa atong gisabotan nga kalibotan
walay numero ang lawak og walay ngalan ang lugar
walay nasayod kondili ang atong mga damgo lamang
gihubo ko ang akong tanang mga gisuot nga bakak
andam na ako nga imong lantawon ang tanan nga
matood kabahin kanako og pati gani ang mga gagmay
nga giwang sa akong mga bintana ako na usab nga
gipang-abrihan aron nimo masilip ang tanan-tanan gayod
pila na kagabii ako nagpaabot dinhi niining lawak nga
walay numero niining lugar nga walay ngalan og apelyedo
gibati ko na ang tumang kauhaw og kagutom sa imong gugma
palihog og moabot ka itulod lang ang pultahan kay abri na kana
ihunghong sa akong dunggan ang imong gibati
hapohaopon mo ang akong mga buhok og hagki ang akong
ngabil og ipadap-ig mo ang imng ulo sa akong dughan og
diha mabati mo ang akong gitago nga gugma alang kanimo.
No comments:
Post a Comment