mutual

nagdamgo ako usa ka gabii
sa lugar diin adunay kahoy nga
mitubo dapit sa imong ulohan

ang mga bulak puti og ang
mga sanga itom kaayo sama
sa pakigsandurot sa kangitngit
og kahayag sa adlaw og sa gabii

nagdamgo ako
nga gidamgo mo ako
og naglantaw ako sa dihang
imo usab akong gilantaw og
pagkahuman mipiyong ka og
nagpadayon sa pagkatulog
tupad kanako,

mitindog ako
og milakaw hinay pag-ayo
palayo kanimo.