kon matigulang na kita akong higala

kon matigulang na kita akong higala
magkita kitang duha sa usa ka patag
anang usa ka gabii tapad sa usa ka
dakong daub sa kalayo
aron mabati pa gihapon nato ang kainit
sa atong panahon sulod sa usa ka mabugnaw
kaayong kagabhion
og dayon kuhaon ko ang akong gitara
og kuskuson ko ang iyang kwirdas
og kantahon nato ang usa ka Matt Monroe
aron atong haranahan ang mga bitoon
og bulan sa atong dan-ag nga langit.

first voice ka, second voice lang ko.
dili na ta maghisgot pa ni Brenda og
ni Rosario, og ni Maria og ni Lucresia.