mY secreT ponD

mangutana ko nimo Laura
nganong nagmasulog-on ka man?

ikaw. Ang imong kaugalingon
nganong nagmasulob-on man ang imong kaugalingon?

dili ba kaha kay naghunahuna ka nga naa kay kaugalingon?
unta kon imong gihunahuna lang nga wala kay kaugalingon
nan kinsa man ang magmagsulob-on?

wala Laura. Walay magmasulub-on
Wala kitay kaugalingon

wala usab ako'y kaugalingon og dugay ko na kanang nakita

kaniadto usa ako ka tulo sa luha gikan sa langit
og nahulog sa yuta
nabati nako ang bakho

mikuyog ako sa mga ulan paingon didto sa suba
og milalin kaming tanan paingon sa dagat lapos didto sa iyang lawod
og sa iyang giladmon

nangawala kami sa among kaugalingon
wala ang kasub-anan og wala usab ang kalipay didto