ang radyo sa kabontagon
samtang nagkaon ako sa akong pamahaw
nagpunay og hisgot kabahin
sa korapsyon
kanang nga ghost schools
ghost teachers og ang
2.5 milyon nga nasud
sa ilang mga pitaka
kapoy hunahunaon nga
ang korapsyon nahimong
usa ka matang sa pagpanginabuhi
dinhi sa atong katilingban
og dili na gani kita ganahan
mamati anang ilang
kunuhay imbestigasyon
akong gibalhin sa laing
estasyon adto didto
sa classical music nga
makapabayaw sa akong
kalag og makapakusgan
sa akong mga nangalup-og
nga pagbati
pagkahuman sa akong pamahaw
nga bulad nga palotpot
og ginaling nga maes nga kape
og bugas sa NFA
akong gipalong na ang radyo
moadto ko sa opisina og sayod
ko nga unya sila nga nangabilin
dinhing balaya
mamati sa usab sa mga drama.
No comments:
Post a Comment