sultihi ko nganong
nagbalikbalik ka man dinhi
unsa ba ang imong
gipangita kanako
ang unod ba sa
isda og ang
bukog nga ania
nasabod sulod
sa akong tilaok?
dali diri sa akong
talad kan-anan
anaa ang mga hinog
nga kapayas nga
dili ka ganahang
mopikas
anaa ang pilit kaayo
nga puto maya nga
dili ka ganahang
mohongit
anaa ang budbod
nga dili nimo
gustong panitan
og pang-iton
unsa ba gayod
ang rason nganong
nagbalikbalik ka
man dinhi?
ah, akong tagnaon
gusto ka nga
magdamgo kuyog
kanako bisan
sa tungatunga sa
kaudtohon.
No comments:
Post a Comment