ang pagbalak

ang pagbalak kanunay kana
buntag, udto, hapon og
gabii og kaadlawon

kay ang pagbalak dili
lang baya pagsulat
og pagpunay og atubang
aning atong computer

bisan kon ako maglakaw
paingon sa korte bisan
og ako mamati sa mga
gipanulti sa mga testigo
og sa mga argumento sa
mga abogado nga hapsay
kaayo mangrason sama
sa kasinaw og kalagtik
sa ilang mga jusi nga barong,

ako sige lang gihapong
naghimog balak diri
sulod sa akong gamay
nga lawak,diri sulod
sa akong ulo, diri sulod
sa nahimutangan sa
akong gaaso nga kalag.