ang kapobrehon

ang kapobrehon dili nato ikaulaw
apan dili usab nato kini angay nga ikapanghambog
kay kon imong ikaulaw bakakon ka
og kon imong ipanghambog baga ka ra usab
kaayog nawong

adunay kapobrehon nga kapalaran
kay bisan unsaon gayod og paningkamot
sa pipila ka tuig nga pagpasingot
og pagkabilar og pagpanglimbasog
sa kusog og kaalam og pagdaginot
pobre ka lang gayod gihapon og
gani matingala ka ngano og
mangita ka sa asang parteha
ka nasipyat og nagkulang

aduna kapobrehon usab nga tinoyoan
nga sa kadaghan sa kwarta nga imong
nasunod imong kining giwaldas, giusik-usikan
nga morag tubig nga siging gaagas sa imong
buslot nga gripo nga og sila pa walay
kwarta nga molungtad sa imong palad
kay ikaw ang tawo nga "galit sa pera"
nga kon duna na gani kwarta hali palit
bisan og unsa bisan gani og dili
na kini nimo kinahanglanon

mao kana ang duha ka kapobrehon kabahin sa kwarta

apan duna pay lahi nga kapobrehon
nga dili masukod sa pagkaaduna o
pagkawalay kwarta: ang kapobrehon sa
pamatasan, ang kapobrehon sa mga
hiyas nga makapatambok sa imong
kasingkasing og nga makapahilangit sa
imong kalag nga bisan pa
og gitabonan ka sa dakong bungtod
nga kwarta haskang bahoa ka
gayod gihapon nga bisan ang
tae og ang nalata nga lawas
sa usa ka patay nga aliwas
dili gayod makalupig kanimo.

moa kana ang labing alaot nga
kapobrehon niining atong kalibotan.