dugay na tang wala magkasultianay
nagtago ka na man god
diha sa ilalom sa imong lingkoranan
wala nay kapuslanan
kay ang mga tiil sa imong lingkoranan
nasayod sa imong gibati og
sa dihang miuk-ok ka
naglagot sila sa imong pagpakaaron-ingnon
ila gani unta ikaw'ng sipaon
apan sa pagbaton og maayong pamatasan
ila ka unang gipasagdan
niay tulo ka gagmay kaayong bulak
puti sa pagkaputli
sa akong pagbati
itunol ko diha kanimo og
sama kanimo sila usab
pagkamanggiulawon gayod
kon mahigugma na
mismo ang akong mga tudlo
nakaingon nga pagkalami
rang gyod untang liktan kining mga
bulaka aron unta mahigmata.
No comments:
Post a Comment