samtang nagpaabot ako kanimo

samtang nagpaabot ako kanimo sa tumang kahinam
samtang mihinay hinay paglugwa ang imong buhok
ang imong agtang ang imong kilay og ang imong mga
mata nga naglantaw sa akong kamingaw

naghandom ko anang akong pagbati nga
dili na ako unta mamakak pa og mawala

samtang mihinay na usab paggawas ang imong ilong
og ng imong ngabil og ang imong apapangig og ang imong liog
mihinay-hinay usab ako og hawid sa akong mga kamot
tapad sa akong dughan doul gayod sa akong kasingkasing
aron hikapon ang akong mga gitagoang gugma og kahinam

og sa dihang migawas na og hngpit ang imong lawas
mihunong ko sa makadyot og mitutok sa imong kaanyag
gihikap ko ang imong dughan, ang imong kamot og mga tiil
og akong gidugay pagbutang didto ang akong tudlo og
dayon og tam-os og tilap niini sa akong pula nga dila

og militok ako sa mga pulong sa pasalamat og pagdayeg
O! Diyos ko! Pagkatahom gayod diay sa imong binuhat alang kanako!
Pagkaanindot diay dinhi sa akong kalibotan nga gidayandayanan
sa mga katam-is. kahinam, kalami nga walay pagkatagbaw!
Dili lamang sa gugma sa unod og sa bukog og sa mga ugat,sa panit og sa mga balahibo, dili lang sa kahumot og kahumok,
Og gani anaa pa ang mas labaw pa niini,

Ang katam-is sa tinood nga paghigugma bisan gani pog dili pa kita
Balosan og laing tugbang nga paghigugma gikan kanila.