salamat

magpasalamat ako kaninyo nga nagmahal kanako
gimahal ko usab kamong tanan
sama sa pagmahal ninyo kanako

ngano bang nagubot ang inyong kalibotan?
unsa ba ang akong nabuhat nga igo man lang
akong nagmahal kaninyong tanan og
kamo usab nagmahal kanako isip tugbang?

makagubot ba diay ang pagmahal sa atong
isigkaingon? nganong nagkagubot ba ang
inyong kalibotan nga ang akong kalibotan
ania ra man nagtuyoktuyok

sa tumang kamingaw. Gimahal ko kamong
tanan, apan ang akong gikahiubsan
gusto nimong ikaw lang, ikaw lang, ikaw lang,

ang akong mahalon.Gusto ko nga kamong tanan
ang akong mahalon.

Apan dili ba mahimo? Dili ba kana mahimo?
Ang Diyos lang ba ang mahimong
Magmahal kaninyong tanan?

Ayaw pangitaa ang dakong buslot sa akong
kasingkasing. Og bisan anaa man ugaling
dili ko isulti kanimo kon asang dapita.

Gusto nimong ikaw lang ang mag-inusara didto.
Dili ko.Gusto ko nga kamong tanan anaa didto.
Malipayon.