sa kadangag ni mama

sakto man unta kami og bala
paingon sa Manila
sa usa ka bakasyon nga
si Papa ang gamugna
aron mobisita ni Tiya

apan kay lagi kini si
Mama pataka mag
too too anang sulti sa
mga tawong bag-o
pa lang niya nailaila
sa pagnaog namo sa
Don Alfredo
didto sa pantalan
nailad ra gayod siya

og kami wala na
intawoy nabilin
nga pamilite sa
taxi padulong sa
Pasay City.

og ako naglagot nga
nagtan-aw sa mga
tawong nagtindog didto
nga morag sigeg
pangatawa namo nga
morag mga dagkong
uwat sa katilingban

nakita nako ang
daghan kaayong mga
jeep og taxi og bus
nga nanglabay nga
morag siging panora:

bawal ang mga
tawo nga tanga
dinhi sa Manila.