sa duol og sa layo

ambot og nasayod ka ba
nga lahi ang imong makita
kon naa ka duol kaayo sa akong mga mata
lahi usab ang imong makita
kon layo ka na kaayo kanako
kanang dili ka na maabot
sa akong mga kamot
kanang dili ka na nako
masimhot
diha sa hangin

gusto ko
nga maglagyo lang kitang duha

nabalaka ako
kon unsa ang dangatan

kon dili na nimo madungog ang
mga pinitik sa akong
kasingkasing