nanglimbawot kuno ang iyang balahibo
nangita ako sa akong kaugalingon
og gipiyong ko ang akong mata
aron ako makakita sa adlaw sulod
sa akong kangitngit
og tood man atua didto ang akong kamot
nga gustong mohawid sa akong anino
og tood man ang akong anino
nagpalaban kanako
kay kuno ako ang kamatooran
naglibog ko nanglimbawot
usab ang akong balahibo
ania na ang tawong nangayo og limos
alang sa iyang kagawasan
bayad kuno sa iyang kaulaw.
misulti ko sa tinood
ug nagkatuagsa silang tanan
napulpog
nahimong mga abog
diha sa akong lingkoranan
No comments:
Post a Comment