karon nga ania ka na dinhi sa akong gitagoang lam-aw

maayong pab-abot
diri sa akong tinagoang lam-aw
walay lingkoranan dinhi
adunay tubig, mga bato,
mga sagbot
adunay mga kilidkilid
nga mamahimong imong
kapahulayan

kon gusto ka nga magpaabi-abi
manugo kita og mopalit og
kape, manghulam kita og tasa
og kutsarita,
mamaylo kita og asukar sa
akong silingan nga
nakatag-iya og gamayng katubhan

mamahimong imo akong pangitaon
sa mga lusok sa kape nga
wala pa masanlag og magaling
mamahimong atua usa ako didto
magyampongad kanimo

dili ko batangenyo
apan kape ako nga barako

og pagkahuman unya aning atong
puyok puyok og paghigop sa kape

pasayloa nga ako ka nang
ituklod sa akong lam-aw

kay ang bunyag dinhi
susama sa bunyag sa akong sikat nga propesor kaniadto
nga di kabalong mobinisaya:

lundagin mo baby!
ayaw lang usapa, saloma gyod!