kagabii akong gihuhuna
nga mas maayo pa
segurong ako na
lang itunol ang
akong gamay
nga pulang
kasingkasing
diha sa imong
mga palad apan
sa pag-abot sa kabugnawon sa kaadlawon akong
nahunahunaan ang
mga panghadlok og kabalisa sa mga ulod
mga baki og mga gangis og mga ligwan
basin og dili kini unya
nimo alimahan og kini
unya mamatay sa walay saktong
pagtugbang sa matinud-anong gugma gikan nimo
akong gipapas ang akong laraw akong giusob ang akong hukom
kabalo ko, kulang jud diay ang akong gugma diha nimo.
No comments:
Post a Comment