akong giablihan ang akong mga kamot
og diha sa akong duha ka palad
ako kang gipapili sa akong ihatag kanimo
duha ka gagmay og sinaw nga mga bato
ang usa puti og ang usa itom
usa lang ang imong pilion
og sayod ka sa atong gikasabotan
sa tinood nga kahulugan sa imong pagpili
dili ko moingon nga puti imong kuhaon
dili usab ko moingon nga ang itom dili makaayo kanimo
pamati sa imong kasingkasing
tan-awa ang iyang tinood nga bulok
pamatia ang iyang tinood nga tingog,
batia ang hunghong kon puti ba o itom ba kini hinooa
punita ang usa lang,
dili mahimo ang duha,
mao kana ang labing halangdon nga regla.
No comments:
Post a Comment