mihay-ad ang duha ka palad
gipaabot ang hangin
miabot ang hangin og wala
nay pangutana pa
gipapas na ang tanan mga
linya sa palad
mipiyong ang mga mata
mitak-om ang baba kay
wala nay bisag usa pa ka pulong
wala nay mga sambingay
ang mga hunahuna
miabri ang dughan sa paghalad
og ang lawas mihunong
miambak ang kasingkasing sa
tumang kalipay
andam na ang kalag sa paglupad
paingon sa usa ka kahayag
No comments:
Post a Comment