pagkalami kahang bation kon ako usa lamang ka patonga maglangoylangoy sa sapa nga maglutaw nga mora
lang og usa ka balahibo diha sa hangin kanang walay
kahadlok nga ako malunod, malumos, og birahon sa
kusog kaayong lilo sa dagat og dayon dili na ko kaginhawa
mawala og dayon mamatay nga dili na ninyo makit-an
apan dili kana nako mahimo, lalaki ako, duna koy
gitindogan nga mga prinsipyo, duna koy akong kaugalingong
baroganan sa akong kinabuhi, duna koy mga tiil nga akong
gihimong mga haligi, duna koy ulo nga akong gihimo nga templo
duna koy lawas nga akong gihimong simbahan, duna koy
mga kamot nga magtukod sa akong mga pangandoy,
bug-at ang akong mga lapalapa, og daghan pa ako kaayong
buhaton sa akong kinabuhi, gusto pa nako nga ako mahigugma
gipangandoy ko pa usab nga ako mahalon og higugmaon
og dili ko kana mahimo sa usa ka paglutawlutaw lamang
sa usa ka linaw kaayo nga suba. Andam usab ako sa mga
dagkong unos og mga linog nga umaabot sa akong kinabuhi.
No comments:
Post a Comment