na tan-awa

na tan-awa ang imong mga pangutana
natubag ra ba sa akong mga sumbingay?

ug ikaw nagdebuho sa akong mga
hulagway sa imong mga gipili nga
bulok og sa imong gipanghandom
nga mga linya, curbada og mga
tuldok og mga comma og mga
lingin lingin og mga kwadrado.

gusto nimo akong dakpon og ibutang
diha sa kwadro sa imong hunahuna nga
ako kini og ako kana

og ako aron wala nay
samok, nagsige na lang og ando kanimo
og ako nga daghan usab kaayog mga lingaw
og trabaho, wala na mosupak kon unsa
ang imong gusto kon unsa og kinsa ako.

ikaw ang nagbuhat kanako.
Imo akong debuho sa imong kinabuhi. Pagkahuman unya nianang tanan,
basin og magkita ta puhon og
imong ipalamano kanako kanang
imong giingon og ako,

pamasin lang og basin
usab ako makaingon, nga oo, nakaila ako
kaniya, apan yuna pa, naay kulang, naay
sobra, segurado ko, ako ka unyang ingnon,

porvida jud ka, dili jud lagi ako kana.
ang imo lang kanang tawo nga siging gidamgo.