lahi ang iyang lawas
nga imong gihawiran og
matingala ka nga lahi ang anino
nga iyang gipakita diha sa salog
lahi ang iyang gisulti sa hangin
kaysa iyang gibuhat sa ilalom sa adlaw
natingala ka og ikaw gisakitan
apan ako sa dugay na nakong pakighinabi sa bulan
nga mas nakaila sa kagabhion
og sa panultion sa mga anino didto
wala na nag-ambat sa binhod sa akong mga tiil
gipili na lang nako ang pagpakahilom
sa mga bato didto sa kilid sa mga sapa nga nag-awit
No comments:
Post a Comment