usa ka adlaw lang ang iyang pagbuswak sa bulak
malaya dayon pagkahapon
og ang alibangbang usa lang seguro
ka segundo ang iyang pagtam-os
sa nektar og dayon og lupad
og ang alibangbang mismo
pila lang ka gutlo nga iyang masul-ob
ang iyang mga pako?
sa makadyot lang ang tanang
maanyag og maanindot manglupad
mawagtang
sayod kita niana
apan wala diha ang pagbasol sa mga
kalipay nga kadyot lang
tan-awon lang gihapon nato og balik
aron dili makalimtan
No comments:
Post a Comment