magkita kita sama sa mga meta4s

magkita kita puhon
kanang sama kita sa atong mga meta4s

mapadung ako kanimo
og tagboon mo ako
imong itunol ang imong kamot
og ako kining hawiran
sama sa usa ka yano nga pag-ila-ila
sa duha ka pasahero
sud sa usa ka barko

dayon mobiya ka
kadyot lang
og mobiya sab ako
kay managlahi ang atong dalan
kay managlahi diay
ang atong mga tuyo

wala nay lingi-lingi
anang pagbalik
wala na ang pangutana
og unsa ba kadto
og ngano ba kadto
og asa ba siya padulong

managlahi ang atong panglantaw
wala ang paglaom
nga kita
magkita pa pag-usob
bisan didto.