mY secreT ponD

kon unsa ka gubot og kakuti

ang paglalin sa mga handurawan

mao usab kagubot og kakuti

sa pag-bot sa imong mga saad

og gani mas

gubot man og kuti kaayo ang

akong pagpaabot

dili sayon ang pagpaabot sa

mga makuti og gubot kaayo

nga mga mugna sa atong hunahuna

ang mga kuti kaayo nga pagpatongpatong

sa mga bato aron makahimo ka og lig-on

kaayong mga pader nga dili nako masaka

ang mga makuti og gubot kaayo nga mga

tanod nga imong gihimong labirinto

ang imong mga likoliko nga dalan sa

mga pagbati nga imong gitago kanako

aron dili ko gayod ikaw hisabtan og

karon nga ako nakaamgo na sa akong

pagkahangal diha sa imong mga yagub-yob

sugdan ko usab ang paghimo sa mga langob

nga dili nimo masudlan sa mga buho nga dili

nimo makubkob sa mga tinagoan nga dili nimo

makaykay og kon unsa nimo ako paglisodlisod

aron unta masud ko ang imong dughan mao usab

karon ang akong buhaton aron dili ka makasulod

sa akong kasingkasing.

patas lang tang duha.

kon ikaw ang mga tanod

nga dili na mahusay

ako usab ang mga butang

nga dili na mauli sa ilang daang gitaoran.

na di

tan-awa

nagpang

lingo

lingo

ka

na

hinoon

sa dili

saktong

o

r

a

s