kon duawon na gani ako sa kagool
mogawas ko sa among balay og molakaw ko paingon
sa layo didto sa dapit sa kilid sa lasang
didto maglingkod ko sa dakong bato tan-aw
sa mga langgam nga nanglupad pauli sa ilang salag
ang mga kahoy nga labong og mga suba nga bugnaw kaayog tubig
ang mga kabulakan nga gawasnong namulak sa
dagplin sa mga dalan kuyog sa mga sagbot
dili na nako hunahunaon ang mga makasakit nga
handurawan kay galangan-langan na lang kana sa
akong hamubo og bulawanong panahon
didtong dapita diin akong gipili naa didto ang
kalinaw og kalipay nga walay bayad
walay gasto sa akong buot.
No comments:
Post a Comment