enigma

gusto nakong sabton apan kon masabtan mawagtang na man hinoon sama sa usa ka kumkom nga aso

gusto nakong tagoan
nanirado ko sa akong mga bintana og mga pultahan
og akong gitak-om ang akong baba
og akong gipiit sa akong mga kamot ang akong mga dunggan

apan nadungog ko gihapon og bisan og gipiyong ko ang akong mga mata makita ko gihapon

migawas gihapon ang aso kay sama sa hangin
dili kining mga tanghaga sa akong kinabuhi,
dili gayod kini makumkom

nakita mo ang mga aso nga nanayaw sa gawas sa akong mga dapog nakigkonboya sa mga kakahoyan og mga kabulakan,
nangalimyon.

morag hinog kaayo nga durian.
Mitahan ko sa usa ka kabontagon.
Migawas sa akong balay
og ania naglingkod sa dako kaayong silong sa karaang punoan sa mangga.

Nagpaabot sa pag-abot sa bidlisiw sa akong adlaw.