katungdanan nato

katungdanan nato nga bisan og gadugo ang atong kasingkasing
kita gihapon mobarog

iisa ang atong ulo
ibuka ang atong mga mata
nga aduna pa gihapoy kaisog
sa paglantaw sa mga panghitabo
nga angay natong malikayan
didto sa unahan

ang kasingkasing adunay
iyang kaugalingong balwarte
isulod didto ang mga pagbati
nga dili sayon sabton
og dili nato mahakop sa usa ka hugot
kaayo nga paggakos

karon ania kita sa silong
sa usa ka ordinaryong adlaw
sa atong kapkap sa kinabuhi

panahon na ang pagtugpa sa yuta
gitago ko una ang akong mga pako
gipiko sulod sa akong bukobuko
kay yano ako
nga makigharong kanimo

sa ilalom sa akong
mga puting
balahibo akong
gipatulog una
ang akong
kasingkasing