ayaw katingala

ayaw katingala higala
sa akong gipuy-an

anaa ako sa atong
kalibotan apan anaa
usab ako sulod
sa akong laing
gamay nga kalibotan

wala ka pa seguro
makasulay niana
apan kon ugaling
nakasulay ka
seguro makasabot
ka na kanako

adunay panahon
nga dili man god kita
ganahan sa mga sulti
anang atong mga
gimahal

kay sulod niining
atong kasingkasing
usahay mas gusto
natong pamation
ang atong kaugalingon

diha sa sulod sa atong
gamay nga kalibotan
gawas sa ilang dako
kaayong kalibotan

ania ako sa sulod
gustong mahimong bungol
amang og buta
bisan sa makadyot lamang

igo na kana kanako
aron molungtad paglakaw
diha sa unahan