kahinumdum ka ba sa gamay kaayong bao
nga atong nakit-an sa tin-aw nga suba
kadtong naglangoy nga nag-inusara
kadtong gianod sa dako kaayong sulog
sa dihang nagbaha na
kahinumdum ka ba
nga ako siyang gikuha og akong
gipahaluna sa dakong nataran
sa dakong bato
sa dapit sa atong dulaanan?
patay na siya.
ang ania sa akong mga kamot
mao na lamang ang basiyo sa iyang balayan.
mao kana ang kapuslanan sa paghinumdom.
No comments:
Post a Comment