UG KARON CLASS

Ug karon class paghuman nato og tuki
sa mga jokes og sa mga binastos ginagmay
aron lang god paglingawlingaw sa atong
kinabuhi nga puno kaayog mga pagmahay
og kasakit anang atong mga kapakyas
sa wala makab-ot og mahikap og maukit og
mausap, og kadtong sakit sa atong mga
sampot sa atong punay og lingkod og
kadtong hagbong sa atong pagkahulog

balikan na pod nato ang atong mga balak
kanang pensive ta, kanang ponderous ta
tan-awon, in short kanang serious ta kaayo
nga mora tag namatyan og tiki sa atong kamot
kanang dili na jud ta mopahiyom kanang gidat-ogan
ta og daghan kaayong assignments kanang daghan
pa kaayo tag basahon nga mga kaso
kanang ang atong giatubang ang mga libro
nga mitupong sa mga kisame kanang ang atong
mga mata magnangnang sa kasakit og siging
tutok sa monitor sa atong laptop og sa atong
personalized computer nga miinit nga morag bingka
nga baga ang ilalom og baga usab ang ibabaw


"time sa sir ric" miisa ka sa imong kamot
og nangutana " balak atong hisgotan og
mga balaod" isog nga law student ni
mahimo jud ning judge puhon
o abogadong patyonon
kadtong morag tabako nga isog kaayog
baho og paspas ang halin

"well, anything", sus, kahinumdum napod
noon kong inting.

Init Ting?

"well, life is about anything" ako untang isulti
apan wala na lang kay motaas na ang estorya
kapoy na.